BLOG APERTO A TUTTI!!

"AUTUNNO" foto di Attilio Pietrogiovanna

AGNER e DINTORNI , vuole essere uno spazio a disposizione di abitanti e frequentatori di questi luoghi.
Ovviamente questo vale anche per associazioni, amministratori locali e per tutti coloro abbiano da proporre tematiche inerenti l'Agordino.
E sopratutto vogliano promuovere tante lodevoli iniziative spesso note ai soli abitanti del paese in cui si svolgono!

Inviateci tramite e-mail il programma di quanto organizzate, con molto piacere, sarà inserito quanto prima su Agner & Dintorni..


mercoledì 13 marzo 2013

PASKA

PASKA


di Attilio Pietrogiovanna


Adess la e’ alta o bassa,na olta no se ghe fea caso,e la ndea ben istes,
el ton el se desedea,e l’aria pi tepida, la ne parea verso la bona staion.

Se sbianchedea co la kalthina, kusina e kaminatha, le altre stanthe pi da rostogn,
Se netea : la busa del trala, e se spandea tut per i pra’,
la fornela, thercoi e tubi.
Se spathea con quattro rame de peth ligade insieme,
i kamin incuthignadi dal kalidem, che noi ciapese foc .
Co la sabbia fina,farina da polenta el aseo,
se lustrea i seci, cathot, scuglier ,piroi e padele.

La cadena del larin da lustra’…strasinada per la strada ingiarada, el brandol de fora,
Brenta e lavatoio netadi polito col broschin.
Col restel se curea i pra… solvere, sas, ram, e tut el stram do per la val,
calche stangada e termen bisognea cambiali.

Rivea i conthe su per le Caorere,i tornea a casa, la staion la era finida,
I veci i se fea el beerot co le ortighe.

Campane ligade… sgree ai boce, batole ai pi grandi ,
ala funthion calche colpo el scampea,
e …al santus se sonea al posto del campanel,
e fini’ la funthion, in te cesa e de fora:come na catha selvarega.

Vof piturai con le skuse delle theole o ortiche,
chei de pepola l’era i pi bei,
fora de cesa, su per el kanton del mur se ghe tirea con thinquanta franchi.
La mare la metea sot coca.

Se portea a casa el olif… anca per benedi’ i mort,
kalchedun nol ghe l’aea fata a pasa’ fora l’invern.

Se dughea…marmoline, , kuk, matha al bot, thercol,
salta museta e pi tardi a bala buseta.
Strasegne che ndea di’ e not, e sot, el kaldrol da polenta el se netea.

Se metea ia le galofe, dalmede, sabo’ e se tirea fora i skarpet
Si … i skarpet novi , braghe curte e la britola inte skarsela,
co le pole de sales se fea i subiot ,pi tardi el fea i gatoi.

Se portea a casa le ultime legne,e se preparea le arte per i laori dei camp.
En car coi kavai el menea ia le gremene dal tason de le taie.
Se portea la grasa col darlin in tei camp, prima de fraca’ do’ e semena’ patate e sork.
Le piante le skominthiea a buta’ e se katea i primi radici.

El diegol el avaria abu’ goia de ghirlande , ma l’era bonora…
El melester el ndea in amor, le sake no le cenia..
El stradin el netea tutti i tombin,kunete, el butea giara in tele buse
kalche om el skominthiea a fase la giornada ala tot (todt).

Se desedea anca le solve,
I osei i scominthiea a paciola,’
ma le thirighe no l’e’ era ancora rivade.

El piof inte……..bisogna nda’ sul kuert a sistema’ le skandole,
riva el Piero Duro con na koada de porthei.. tuti ghen ciol un.
Se sent un che osa… strathe..ossi..ferro vecio.. pei de conicio.
Passa el kromer da Lamon co la so kasela.. el se senta do inte kusina
.. parona cioleme kalcosa, no ve ocor gnent?… gusele, elastici ,rochet de fil, botoi
e nol kamina fin che no te konpra valk.

Stasera ndone a rane inte in Piane,?..mi cioe el restel … la lampada a carburo ciola ti.
El mastel dai kraut el ha quasi toca el font.
En fantolin el se neta el nas con na manega,
el pianth parche’ el sa sporca’ el betin inte la pacieka.

Passa Don Giuseppe a benedi’ le case, con doi daghet e na thesta per i vof, el ha ancora i grif.
Sui or de la Salthana l’e’ sponta’ le viole e le maradele, e su per le Mandre i fior de la rogna.
Al pustern le ancora calche macia de nef.
El sol el pasa sora al Poi, le giornade le se slonga e le ombrie le se scurta.
Siii…l’e’ riva’Paska !

Che bel…chel di’ el disna’ el era en cin meio, colombe e vof de cicolata no ghe naon mai vist,
ma sion deventadi grandi istes.

Attilio Pietrogiovanna Febbraio 2013








2 commenti:

  1. Io quando leggo i suoi bellissimi ricordi ritorno bambina, mi sembra di poter dire di aver visto il nostro mondo con gli stessi suoi occhi, anche quando racconta di situazioni o comportamenti prettamente maschili in quegli anni (suonare la crecola, andare a rane, ecc.)rivivo quel periodo e ricordo di aver vissuto un'infanzia semplice, ma veramente felice. Grazie Attilio per avermi fatto riprovare quelle belle sensazioni! Elida

    RispondiElimina
  2. can da l'ua che bela

    RispondiElimina